Mien Vader heet Hans Vagelnest, weer Buur in Pennellen
he weer ok mal op Reisen west un wüßt wat to vertellen.
He sä to mi:"Kumm Hans mien Söön, du mußt di wat versöken
süß bliffst du mi je gar so dumm, as Eken un as Böken.
Dar hest du di tein Taler Geld, denn brukst du nich to stehlen
denn kümmst du dörch de ganze Welt, dann kann di garnix felen.
Jung büst du je un hübsch darto, vun Snuten un vun Poten,
nu snör di man dien Bündelken, un morgen kannst du lopen.
Dat let ik mi denn ok wull nich vun Vader tweemol seggen
bi't Döschen hööl ik so nicht Stich, so as bi Ploog un Eggen.
As harr ik Hummeln in dat Gatt, so kreeg ik nu dat Lopen
in eenen Dag bet na de Stadt, dar hör ik na mi ropen.
Wat meent ji wull wer dat nu weer? Dar köönt ji lang op raden.
Dat weer son grot'n Unt'offzeer, de bekeek mi Kopp un Waden.
"Wo kommst du her, wo willst du hin?" So kreeg he nu dat Dösen
he sleep mi in de Wach herin, dar help keen Fedderlesen.
Dar weern wull a de twintig Mann, de kregen mi to faten
se tröcken mi'n bunt Röcksken an, un mak't mi to'n Soldaten.
Fat ik't Gewehr nich örnlich an, so geevt mehr Sleeg as Mosen
un as ik't kunn, do müß ik man an Rhein na de Franzosen.
Dar weer so'n General Dummerjan, un wo de Keerls all heten
de kunn je wull keen Spooß verstaan, de kreegen glieks dat Scheeten.
"Scheet hier nich hen, scheet dar nich hen! Hier staat je luter Lüüd"
un eh ik mi dat recht verseeg, harr ik en Schuß in'n Liev.
Denn bröchens mi in't Lazarett, dar wulln se mi kureren
dar weer keen Stro, dar weer keen Bett, dar müßt ik asig freren.
Dar geev dat nix as Haversliem, kreeg nich mal wat to drinken
se kregen ok min Been nich heel, ik mutt opsteeds noch hinken.
Dar dach ik so in mienen Sinn: Gaat ji doch all an'n Galgen!
Wat har ik darbii för'n Gewinn, mit ju mi rümtobalgen.
Dat is en slechten Tiedverdriev, dat sind man Narrentieding
ik hink na us, neem mi en Wief, dat is dat End vom Leede
-----------------------------
Eken - Eichen
Böken - Buchen
vun Snuten un vun Poten - von Kopf bis Fuß
döschen - dreschen
hööl ik so nich Stich - hielt ich sowieso nicht aus
Gatt - Hintern
dösen - unverständlich reden.
Mosen - Mus, Brei
opsteeds - jetzt
Narrentieding - Narrenpossen
credits
from He, ik mach di,
track released October 1, 1982
Musik: Jörg Ermisch / Text: Trad.
Liederjan? Was machen die eigentlich? Ist es Folk, Chanson, Kabarett, Comedy oder einfach nur Dummtüch? - Die Antwort weiß der Wind und natürlich die Truppe selbst, sie lautet: Ein bisschen von allem, aber mehr so: Liederjan.
Irish singer-songwriter Oisin Leech's acoustic folk music is characterized by its muted beauty and intimate, solitary quality. Bandcamp New & Notable Mar 16, 2024
The haunting new record from Canadian folk artist Avi C. Engel bridges old and new traditions with a minimalist approach. Bandcamp New & Notable Feb 24, 2024